Ky pyetёsor mund tё pёrdoret pёr tё vlerёsuar praninё e crregullimit obsesiv-kompulsiv (OCD) nё momentin qё plotёsohet.
Kujdes: Ky pyetёsor ju shёrben pёr qëllim orientues dhe në asnjë rast nuk zëvendëson procesin diagnostikues që realizohet nga profesionistët e shëndetit mendor.
Pyetjet 1 deri 5 kanë të bëjnë me mendimet tuaja obsesive
Obsesionet janë ide, imazhe ose impulse të padëshiruara që ndërhyjnë në procesin e të menduarit duke kundërshtuar dëshirat dhe përpjekjet tuaja për t'ju rezistuar atyre. Ato zakonisht fokusohen në cështje të dëmtimit dhe rreziqeve. Obsesionet e zakonshme janë frika e tepruar nga ndotja; dyshime të përsëritura në lidhje me rrezikun që paraqet një situatë, shqetësimin ekstrem për rregull, simetri ose saktësi; frikë nga humbja e gjërave të rëndësishme.
Pyetje 6 deri 9 kanë të bëjnë me sjelljet tuaja detyruese ose kompulsionet.
Sjelljet detyruese ose kompulsionet janë nxitje që njerëzit ndiejnë se duhet patjetër të bëjnë diçka për të pakësuar ndjenjat e ankthit ose shqetësimeve të tjera. Shpesh ata bëjnë sjellje të përsëritura, të qëllimshme, të quajtura rituale. Vetë sjellja mund të duket e përshtatshme, por bëhet një ritual kur përsëritet me tepri. Larja e duarve/trupit, të kontrolluarit (p.sh celësat, prizat, rubinetat etj), përsëritja e sjelljeve, sistemimi i sendeve, grumbullimi i objekteve dhe shumë sjellje të tjera mund të jenë rituale. Disa rituale janë mendore. Për shembull, duke menduar ose duke thënë gjëra pa zë (në mënyrë të përsëritur).
Ju lutemi përgjigjuni çdo pyetjeje duke rrethuar numrin e duhur.